12
январь
2024
ҚАЗАҚСТАНДА БАЛАЛАРДЫҢ 15,3%-Ы КҮН САЙЫН ИНТЕРНЕТТЕ ЖАҒЫМСЫЗ КОНТЕНТПЕН БЕТПЕ-БЕТ КЕЛЕДІ: БҰЛ БОЙЫНША БАЛАЛАРДЫҢ ҚҰҚЫҚТАРЫН ҚОРҒАУ КОМИТЕТІ НЕ ҰСЫНАДЫ?
ҚАЗАҚСТАНДА БАЛАЛАРДЫҢ 15,3%-Ы КҮН САЙЫН ИНТЕРНЕТТЕ ЖАҒЫМСЫЗ КОНТЕНТПЕН БЕТПЕ-БЕТ КЕЛЕДІ: БҰЛ БОЙЫНША БАЛАЛАРДЫҢ ҚҰҚЫҚТАРЫН ҚОРҒАУ КОМИТЕТІ НЕ ҰСЫНАДЫ? 📥ҚР Оқу-ағарту министрлігінің бастамасымен ЮНИСЕФ-пен бірлесе жүргізілген "Kazakhstan Kids Online" ауқымды зерттеуі негізінде Қазақстанда балалардың интернетті пайдалануымен байланысты елеулі сын-қатерлер анықталды. Зерттеудің негізгі қорытындысы цифрлық әлемде балалар үшін қауіптерді азайту және қолдау стратегияларын әзірлеуге бағытталған. 📲Интернет бала өмірінің маңызды бір бөлігіне айналуда. Зерттеу нәтижесіне сәйкес, балалардың 5%-ы желіге алғаш рет төрт жаста, кей жағдайда тіпті одан да ерте жаста кіреді. Ал 9-10 жас аралығындағы балалардың 60%-ы және 11-12 жас аралығындағы балалардың 66%-ы әлеуметтік желілер мен ойын платформаларында өз аккаунттарына ие. 🛡️Ең алаңдатарлық тұжырымдардың бірі − балалардың 15,3%-ы күнделікті, апта сайын немесе кем дегенде айына бір рет интернетте жағымсыз контентпен бетпе-бет келеді. Ол балалардың 11,7%-ы қатты күйзеліс